Entre as actividades de dinamización e promoción do libro e a lectura que oferta Urco editora para centros de ensino, bibliotecas e librarías, destaca a exposición “A historia da literatura fantástica”.
Devandita exposición componse de 7 paneis ríxidos de 70×100 centímetros preparados para pendurar na biblio, nos corredores, na aula, no salón de actos ou onde se queira.
Os paneis abranguen desde o nacemento da literatura fantástica da man do mito e o fenómeno relixioso até o desenvolvemento da mesma na nosa lingua, pasando pola novela gótica, o pulp, a fantasía épica tolkiniana, os distintos subxéneros que se desenvolveron no século XX e moito máis, para ofrecer unha panorámica xeral deste xénero tan demandado por lectoras e lectores de todas as idades.
Tamén ofrecemos unha charla sobre a mesma por parte dun dos nosos especialistas en literatura fantástica.
Para coñeceres as opcións de empréstito ou compra desta exposición só tes que pórte en contacto connosco a través do mail info@urcoeditora.com ou no teléfono 881 972 245.
