Xavier Frías Conde
Este compendio de gramática galega, como o seu nome o indica, contén os elementos máis destacados da nosa lingua sen abundar en temas que poden confundir ao lector, pero incluíndo todos aqueles trazos e elementos fundamentais para un primeiro achegamento ao galego. Porén, para o xa iniciado tamén é unha porta ao estudo de características lingüísticas que outras obras poden obviar ou pasar por alto.
Ferramenta ideal para unha primeira aproximación ao galego, serve tamén como libro de consulta rápida para resolver dúbidas comúns. Grazas á súa escrita sinxela e clara, esta gramática é ideal para consultar os trazos lingüísticos da nosa lingua sen complicarse demasiado.
Con este volume, Urco Editora inaugura a Biblioteca Niké na que se incluirán ferramentas e ensaios que poidan ser de utilidade ou interese para o lector.
