Actividades de Urco Editora no Culturgal 2016 29th Novembro 2016 – Posted in: literatura fantástica, Mundo editorial, Novidades, Urco
Un ano máis Urco editora preparou un programa de actividades para deselvolver no Pazo da Cultura de Pontevedra. Estaremos no Culturgal 2016 desde o venres 2, mais a programación está axendada para o sábado 3 e o domingo 4. Presentaremos as novidades editorias no “Espazo Libro” e levaremos a cabo encontros entre autoras e autores e o lectorado no stand da propia editora. Para eses encontros poderán inscribirse no correo info@urcoeditora.com co asunto “Encontro con” e o nome do escritor ou escritora co que desexen charlar. O grupo será reducido, dúas ou tres persoas.
Sábado 3
12:00 h. Encontro coa escritora Eli Ríos, autora de Mulleres Bravas da nosa historia: María Victoria Moreno.
13:15 h. Presentación da colección infantil
«Mulleres bravas da nosa historia: Rosalía de Castro e María Victoria Moreno»
Participarán as autoras Eli Ríos, María Lado, a ilustradora da colección Eva Agra e Andrea Jamardo Seijo de Urco editora . A presentación terá lugar no “Espazo Libro” do Culturgal.
16:30 h. Encontro coa escritora María Lado, autora de Mulleres Bravas da nosa historia: Rosalía de Castro.
18:00 h. Encontro co escritor Antonio Manuel Fraga, gañador do I Premio Antón Risco de Literatura Fantástica con Querido H.P Lovecraft.
19:30 h. Encontro co escritor Pablo Fernández Barba, gañador do XVI Premio Vicente Risco de Creación Literaria con Transición.
20:30 h. Presentación de «Dr.Alveiros», o novo selo da Fundación Vicente Risco e Urco editora, xunto cos tres primeiros títulos da colección: Transición de Pablo Fernández Barba, Análise simbólica e estrutural do mito da moura de Rafael Quintiá Pereira e Galegos do Douro na obra de João Araújo Correia.
Domingo 4
12:30 h. Encontro co escritor Carlos Quiroga, finalista do I Premio Antón Risco de Literatura Fantástica con Peixe Babel.
13:30 h. Encontro co escritor Xosé Duncan, autor de Negruña.
17:15 h. Encontro coa escritora María Canosa, autora de Cando cae a luz.
18:00 h. Entrevista ás escritoras de literatura fantástica xuvenil María Canosa, autora de Cando cae a luz, e Alex Bayorti, autora de Tom, Huck e o misterio da trabe de ouro, por David Cortizo, editor de Urco.
18:30 h. A editora Llerena Perozo entrevista a Antonio Manuel Fraga e Carlos Quiroga, gañador e finalista do I Premio Antón Risco de Literatura Fantástica
19:00 h. Encontro coa escritora Alex Bayorti, autora de Tom, Huck e o misterio da trabe de ouro.