Biblioteca Lovecraft 5. A cousa no limiar e A sombra fóra do tempo H.P. Lovecraft , ,

, ,

Con este volume remata o primeiro ciclo da biblioteca Lovecraft, dedicado aos “Mitos de Cthulhu”, aínda que a colección continuará en vindeiros títulos cos contos do ciclo do soño e as historias macabras.

Presentamos aquí dúas obras da madurez do solitario de Providence. A primeira delas, o relato A cousa no limiar, centra a súa atención arredor dun protagonista atormentado cuxo corpo é posuído por un espírito maligno que desexa acabar coa realidade que coñecemos.

A segunda, a novela breve A sombra fóra do tempo, versa sobre unha antiga raza extraterrestre que poboou a Terra hai millóns de anos, capaz de proxectar as súas mentes a través do espazo-tempo para así vivir eternamente e atesourar a sabedoría de todo o universo.

Ambas as dúas historias son perfectos representantes das dúas liñas fundamentais dos Mitos: Por unha banda a existencia de persoas malignas no noso contorno que desexan abrir as portas da nosa realidade a entidades doutros planos dimensionais, e pola outra a constatación dun pasado do noso planeta distinto ao que tradicionalmente coñecemos pola ciencia, poboado de razas intelixentes e avanzadas procedentes doutros astros cuxa existencia pasada ten ou pode ter consecuencias no presente.

→ Este volume forma parte da Biblioteca Lovecraft Dixital, onde tes ao teu dispor a nosa edición da obra completa do Solitario de Providence de forma gratuíta en formato ePub, para ler no teu lector de libro electrónico favorito (ainda que nós recomendamos o PocketBook, que reproduce correctamente a tipografia e maqueta).

…ou, xa sabes, podes comprar a versión física do libro como sempre:

14,00 

Product ID: 1805 Categorías: , , Etiquetas: , , ,
Título

A cousa no limiar e A sombra fóra do tempo

Colección

Gótica

Autor H.P. Lovecraft
Tradutor

Tomás González Ahola

Nº de páxinas

192

Formato

133x210mm

ISBN

978-84-937142-0-2

Prezo

14€